Azərbaycan, Bakı, 26 yanvar/ Trend , müxbir İ.Xəlilova/ Dövlət büdcəsinin Azərbaycan Neft Fondunun (ARDNF) xüsusi hesabında toplanılan valyuta daxil olmalarının idarə edilməsindən gəlirlilik dollar aktivləri üzrə 5,62% , funt-sterlinq üzrə 5,91% təşkil edib. Bu barədə Fondun icraçı direktoru Şahmar Mövsümov məlumat verib.
Dövlət Neft Fondunun vəsaitlərinin idarə edilməsindən gəlirlilik hesabat valyutası üzrə (manat) 5,04% , baza üzrə isə (dollar) - 8,28% təşkil edib.
İlin yekunlarına görə, Maliyyə Nazirliyinin vəsaitləri üzrə hesabda qalıq $570,72 mln.
və 31,29 mln. f/sterlinq olub.
Maliyyə Nazirliyinin vəsaitlərinin idarə edilməsini Neft Fondu 2006-cı il 11 avqust müqa viləsi əsasında həyata keçirir. Mövsümovun sözlərinə görə, büdcənin valyuta daxilolmaları üzrə Fondun xüsusi hesabındakı qalıq sabit deyil və il ərzində onların həcmi $700 mln. - $1,1 mlrd. aralığında dəyişib. Bu, Maliyyə Nazirliyinin lazımi hallarda bu hesabdan vəsait götürməsi və daxilolmaların həcminə görə vəsait əlavə etməsi ilə əlaqədar baş verir.
Bu vəsaitlər Maliyyə Nazirliyi tərəfindən təsdiqlənən qrafikdən asılı olaraq, yüksəkreytinqli banklarda və yüksəklikvidli fondlarda yerləşdirilib.
