...

ARDNŞ qaz hasilatında rekord göstərici əldə edib

Energetika Materials 5 Fevral 2008 12:20 (UTC +04:00)

Azərbaycan, Bakı, 05 fevral / Trend / Azərbaycan Dövlət Neft Şirkəti (ARDNŞ) şəxsi yataqlarında sutkalıq qaz hasilatı həcmini 18 mln. kub metrə çatdırıb. Ötən ilin yanvarında bu həcm 12,5 mln. kub metr təşkil edib. Bu barədə ARDNŞ-dan bildiriblər. Bu, rekord göstəricidir.

ARDNŞ şəxsi yataqlardan qaz hasilatının artırılması üzrə proqram reallaşdırır. 2007-ci ilin yanvar-fevral aylarında ARDNŞ-ın qaz hasilatı sutkada 12,5-12,8 mln. kub metr, mart-aprel-mayda 13,2-13,7 mln. kub metr, iyun-sentyabrda 14,3-14,8 mln. kub metr, oktyabrda 15,5 mln. kub metr, noyabrda 16,5 mln. kub metr, dekabrda isə 17 mln. kub metr təşkil edib.

2007-ci ildə ARDNŞ dövlətə 5,2 mlrd. kub metr qaz təhvil verib. 2008-ci ildə isə bu göstərici 7 mlrd. kub metr qaz təşkil edəcək.

Xəbər lenti

Xəbər lenti