Azərbaycan, Bakı, 08 fevral / Trend / Yanvarda Azərbaycan, "Şahdəniz" qazkondensat yatağından 180,93 mln. kubmetr qaz alıb (proqnozdan 5 mln. kubmetr azdır),- Azərbaycanın Dövlət Neft Şirkətindən bildiriblər.
2008-ci ildə Azərbaycan "Şahdəniz" yatağından 2,9 mlrd. kubmetr qaz almağı planlaşdırır.
Hazırda yataqda dörd quyu fəaliyyət göstərir. Onların gündəlik potensial debiti təxminən 22 mln. kubmetr qaz təşkil edir.
"Şahdəniz"in "Mərhələ-1" istismar layihəsi çərçivəsində yayla mərhələsində ildə 8,6 mlrd. kubmetr qaz hasil olunacaq.