Azərbaycan, Bakı, 12 fevral / Trend , müxbir S.Əliyev/ Xəzər dənizinin Azərbaycan sektorunda "Şah Dəniz" qazkondensat yatağından hasil edilən qazın ümumi həcmindən (sutkada 22 mln. kubmetr) hazırda təxminən 13,6 mln. kubmetri Türkiyəyə, 1 mln. kubmetri isə Gürcüstana ixrac olunur. Yerdə qalan həcmi isə Azərbaycan əldə edir. Bu barədə çərşənbə axşamı hökumətdən bildiriblər.
Yataqda ümumilikdə dörd quyu istismar olunur. Hazırda beşinci quyunun qazılma prosesi həyta keçirilir və gələn ilin ortalarında başa çatdırılmalıdır.
"Şah Dəniz" dəniz yatağının işlənmə müqaviləsi 1996-cı il iyunun 4-də imzalanıb. Müqavilə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, ARDNŞ - 10 faiz.
Bu yataqda qaz hasilatı 2006-cı ilin dekabrında başlanıb. Hazırda Gürcüstana və Türkiyəyə qaz "Cənubi Qafqaz" boru kəməri ilə nəql olunur.
Yatağın işlənmə layihəsinin birinci mərhələsində hər il 8,8 mlrd. kubmetr qaz hasilatı və onların Azərbaycan, Gürcüstan və Türkiyəyə tədarükü nəzərdə tutulur. İkinci mərhələ çərçivəsində qaz hasilatı 20 mlrd. kubmetrə qədər artırıla bilər. Bu qaz Avropa ölkələrinə ixrac olunmaq üçün nəzərdə tutulub.
Müəlliflə əlaqə saxlamaq üçün elektron ünvan: Seymur