Azərbaycan, Bakı, 13 fevral / Trend / 2007-ci ilin yanvar-noyabrında ABŞ Azərbaycandan 2006-cı ilin analoji dövrünün 72 min barrelinə nisbətdə 2 mln. barrel neft məhsulları idxal edib. Bu barədə ABŞ-ın Energetika Nazirliyi tərkibinə daxil olan Energetika İnformasiya Administrasiyasının məlumatında bildirilr.
2007-ci il üzrə neft məhsulları idxalı noyabrda 409 min barrel, oktyabrda 171 min barrel, sentyabrda 524 min barrel, avqustda 288 min barrel, iyulda 614 min barrel, martda isə 17 min barrel təşkil edib.
2006-cı ildə ABŞ Azərbaycandan 2005-ci ilin analoji dövrünün 563 min barrelinə nisbətdə 347 min barrel neft məhsulları alıb. 2004-cü ildə bu göstərici 484 min barrel təşkil edib.