Gürcüstan, Tbilisi, 28 fevral / Trend , müxbir N.Kirtsxaliya / Azərbaycanın Dövlət Neft Şirkəti (ARDNŞ) Kulevidə (Gürcüstanın Qara Dəniz sahili) neft terminalının işə salınmasının razılığını almaq üçün tamqiymətli sənədlər təqdim etməlidir, - Tbilisidə Gürcüstanın iqtisadiyyat nazirinin müavini Vaxtanq Lejava Trend ın xüsusi müxbirinə deyib.
Onun sözlərinə görə, nazirliyin ekspertləri Kuleviyə göndərilib. Onlar Azərbaycan tərəfinə obyektin istismara verilməsi üçün lazımi sənədlərin siyahısını təqdim ediblər "Tam məsuliyyətlə deyə bilərəm ki, oxşar sənədlər təqdim olunmayıb", - nazir müavini deyib.
Lejava bəyan edib ki, terminalın tikintisi zamanı ətraf mühitə ziyan vurulub və əvvəl imzalanmış razılığa əsasən, ARDNŞ tərəfindən ödənilməlidir.
"Müxtəlif ekspert məlumatlarına görə, söhbət bir neçə milyon dollardan gedir və bu məsələyə dair danışıqları Ətraf Mühitin Müdafiəsi və Təbii Sərvətlər Nazirliyi aparır", - o deyib.
Kulevidəki terminalın sahibi ARDNŞ-dir. Onun tikintisi üçün Dövlət Neft Şirkəti 2007-ci ildə $301 mln. həcmində iri sindikatlaşdırılmış kredit alıb. 15 xarici bankdan kredit sindikatına "Societe Generale" başçılıq edib. Kreditin 2009-cu ilədək qaytarılması nəzərdə tutulub.
Terminalın yükboşaltma məntəqəsinin gücü 9 mln. ton təşkil edir (2 mln. ton neft xammalı, 3 mln. ton dizel yanacağı, 4 mln. ton mazut). Terminalın ehtiyat parkının ümumi tutumu 320 min kub metrdir. Yükboşaltma məntəqəsinin gücünü 20 mln. tonadək və ehtiyat parkının 380 min kub metrə artırılması planlaşdırılır.
