Azərbaycan qazının Gürcüstana tədarükü üzrə danışıqlar Tbilisidə davam etdiriləcək
Azərbaycan, Bakı, 13 mart/ " , müxbir S.Əliyev, A.İsmayılova/ Gürcüstanın Baş naziri Lado Qurqenidzenin Bakıya səfəri zamanı Azərbaycan qazının tədarükü və onun qiyməti üzrə danışıqların növbəti həftə Gürcüstanda keçirilməsi haqqında razılıq əldə edilib. Bu barədə cümə axşamı hazırda Bakıda olan Azərbaycanın Gürcüstandakı səfiri Namiq Əliyev məlumat verib. Görüşdə Azərbaycan Dövlət Neft Şirkətinin nümayəndələri iştirak edəcəklər.
Hazırda Gürcüstana qaz tədarükü üzrə yeni müqavilə müzakirə edilir. Bu il müqavilə "Azəriqaz" QSC ilə deyil (ötən il olduğu kimi), qazın istehsalçısı olan Azərbaycan Dövlət Neft Şirkəti (qazı öz yataqlarından hasil edir) ilə bağlanacaq.
Bir müddət əvvəl Azərbaycanın nümayəndələri bildiriblər ki, respublika il ərzində Gürcüstana, onun tələbatının ildə 1-1,5 mlrd. kubmetr olmasına baxmayaraq, 500 mln. kubmetr qaz verə bilər. 2008-ci ildə Azərbaycan qazının qiyməti artırılacaq. Gürcüstan Azərbaycanın öz qazını 1000 kubmetrinə görə, $180-$190-a almağa hazırdır. Gürcüstan hazırda qazın bir hissəsini Rusiyadan 1000 kubmetrinə görə 235 dollara alır.
Məqalə müəllifinin ünvanı: [email protected]
