Azərbaycan, Bakı, 08 aprel/ Trend , müxbir S.Babayeva/ 2008-ci ilin birinci rübü ərzində "Azneftkimmaş" ASC istehsalı 33,5 faiz artıraraq, 8,6 mln. manatadək çatdırıb. Bu barədə çərşənbə axşamı ASC-nin baş iqtisadçısı Nəriman Böyükkişi məlumat verib.
"Üç ay ərzində 8,6 mln. manatlıq, neft sənayesi, geoloji kəşfiyyat avadanlığı, alətlər və onların ehtiyat hissələri istehsal edilib" - o bildirib.
Bu dövr ərzində Zabrat Maşınqayırma Zavodu 1,5 mln. manatlıq, Suraxanı Maşınqayırma Zavodu - 1,2 mln. manat, Sabunçu EİB - 750 min manat, Bakı Neft Maşınqayırması Zavodu - 600 min manat, Sərdarov adına zavod - 760 min manat, Bakı Neft Sənayesi zavodu - 850 min manat, Səttarxan adına zavod - 500 min manatlıq məhsul istehsal edib.
"Azneftkimmaş" 2008-ci ildə 33,5 mln. manat səviyyəsində istehsal proqnozlaşdırır. "Azneftkimmaş" ASC respublika prezidentinin 2001-ci il 22 mart tarixli sərəncamı əsasında, "Azneftkimmaş" DŞ-nin bazasında yaradılıb. ASC-nin tərkibinə 14 maşınqayırma zavodu, 4 elmi-tədqiqat və layihə-konstruktor institutu daxildir.
Müəlliflə əlaqə saxlamaq üçün elektron ünvan: [email protected]
