Azərbaycan, Bakı, 14 aprel/ Trend , müxbir A.Bədəlova/ Britaniyanın iqtisadi tədqiqatlar üzrə Capital Economics Konsaltinq Şirkətinin proqnozlarına görə, 2009-cu ildə Brent markalı neftin qiyməti 2007-ci ildəki $94-a qarşı $80/barr təşkil edəcək. Bu barədə bazar ertəsi Capital Economics-dən Trend -a məlumat veriblər. Şirkətin proqnozlarına görə, 2008-ci ildə Brent markalı neftin qiyməti $85/barr təşkil edəcək.
Britaniya şirkəti qızılın qiymətinin düşəcəyini proqnozlaşdırır. 2008-ci ildə bir unsiya qızılın qiyməti $750 təşkil edib. Proqnozlara görə, 2009-cu ildə qızılın qiyməti unsiyasına görə, $50 azalaraq $700-dək düşəcək.
Maliyyə nazirləri və "Böyük Səkkizlik" ölkələri mərkəzi bank rəhbərlərinin qısamüddətli perspektivdə dünya iqtisadiyyatı tendensiyalarının zəifləməsi haqqında bəyanatından sonra, hərraclarda neftin qiyməti azalıb. Brent neftinə olan may fyuçersləri bazar ertəsi 50 sent azalaraq, $108,25/barr-dək düşüb. Yüngül Amerika neftinin may fyuçersləri 54 sent azalaraq, $109,60/barr-dək düşüb.
Müəlliflə əlaqə saxlamaq üçün elektron ünvan: [email protected]
