Azərbaycan, Bakı, 04 iyun/ Trend , müxbir M.Quliyev/ Türkiyə və Azərbaycan, Azərbaycanın qazının bir hissəsinin Cənubi Qafqaz boru kəməri ilə yanaşı, digər boru kəməri ilə də - Avropa İttifaqının dəstəklədiyi "Nabukko" boru kəməri ilə tədarükünə dair razılığa gəliblər. "Ankara və Bakı Azərbacyan qazının bir hissəsini "Nabukko" qaz kəmərinə yönəltmək qərarına gəliblər", - Türkiyən Baş naziri Rəcəb Tayyib Ərdoğan çərşənbə günü jurnalistlərə bildirib.
Belə qərar çərşənbə günü, Azərbaycan prezidenti İlham Əliyev və Türkiyənin Baş naziri Rəcəb Tayyib Ərdoğan arasında Naxçıvan Muxtar Respublikasında yüksək səviyyədə keçirilmiş danışıqların yekunları üzrə qəbul edilib.
Baş nazir bildirib ki, Bakı-Tbilisi-Ərzurum boru kəməri ilə nəql edilən Azərbaycan qazının bir hissəsi Türkiyə əhalisinin bu xammala olan tələbatının təmin edilməsinə yönəldiləcək.
"Nabukko" qaz kəməri ilə Türkiyə, Bolqarıstan, Rumıniya vasitəsilə Azərbaycan və Mərkəzi Asiyadan Aİ ölkələrinə qaz tədarükü nəzərdə tutulur. İlk tədarük 2013-cü ildə başlayacaq. Layihənin ümumi dəyəri - $7,4 mlrd. Qaz Mərkəzi Asiyadan "Nabukko"yadək Xəzərin dibi ilə çəkilməsi planlaşdırılan TransXəzər qaz kəməri ilə çatdırıla bilər.
TransXəzər qaz kəməri Qazaxıstan və ya Türkmənistanın Xəzər sahilindən Azərbaycanadək çəkilə bilər. Mərkəzi Asiya qazı Azərbaycandan "Nabukko" kəmərinədək hazırda fəaliyyət göstərən Cənubi Qafqaz qaz kəməri (Bakı-Tbilisi-Ərzurum) ilə çatdırılacaq.
