...

"Nabukko" layihəsnin iştirakçıları qazın tədarükündə Türkiyənin tranzit ölkə kimi çıxış etməsində maraqlıdırlar

Energetika Materials 4 İyun 2008 20:50 (UTC +04:00)

Azərbaycan, Bakı, 04 iyun / Trend , müxbir A.Bədəlova/ "Nabukko" qaz kəməri layihəsinin iştirakçıları Türkiyənin bu layihədə qaz tədarükçüləri üçün tranzit ölkə kimi çıxış etməsində maraqlıdırlar. Bu barədə çərşənbə günü Bakıda, Bolqarıstanın iqtisadiyyat və energetika naziri Petar Dimitrov məlumat verib.

""Nabukko"nun haradan başlayacağını bilmək çox vacibdir. Onun Azərbaycandan başlaması bir iş, Türkiyədən başlaması isə tamam başqa işdir. Bu zaman vəziyyət dəyişəcək. Türkiyə qazı özünün hesab etdiyi kimi alacaq (razılaşdırılmış qiymətlərlə) və yalnız bundan sonra digər ölkələrə satacaq", - Dimitrov bildirib.

Dimitrovun sözlərinə görə, "Nabukko" boru kəməri ilə nəql edilməsi üçün qaz tədarükünün bütün marşrutları Türkiyə ərazisindən keçir. "Buna görə də Türkiyənin tranzit və ya qazı yenidən ixrac edən ölkə olacağı ilə bağlı məsələni həll etmək lazımdır", - nazir bildirib.

Bolqar nazir "Nabukko" qaz kəməri və "Cənub axını" qaz kəmərlərinin Avropanın qaza olan tələbatının ödənilməsi üçün kifayət olmayacağını bildirib. "Avropa İttifaqının qaz idxalından asılılığı artacaq. 2020-ci ilə bu layihələr Avropanın qaza olan əlavə tələbatının üçdə bir hissəsini, 2030-cu ilə isə, beşdə bir hissəsini təmin edəcəklər", - Dimitrov bildirib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti