Azərbaycan, Bakı, 05 iyun/ Trend , müxbir İ.Xəlilova/ INOGATE EU tərəfindən maliyyələşdirilən "Şərqi Avropa və Qafqazda qazın əsas tranzit infrastrukturunun təhlükəsizliyi və etibarlılığı" layihəsi çərçivəsüində boru kəmərlərinin təhlükəsizliyinin təmin edilməsi üzrə sınaq sisteminin yaradılması nəzərdə tutulur. Bu barədə Bakıda, 15-ci beynəlxalq "Neft və Qaz, Neft emalı və Neft kimyası" konfransında çıxış edən layihənin direktoru Esa Niyeminen məlumat verib. Sərgi və konfrans "İteca Caspian" şirkəti tərəfindən təşkil edilib.
Layihə Azərbaycan, Gürcüstan, Ermənistan, Belarus, Ukrayna, Türkiyə, Türkmənistan, Özbəkistan, Tacikistan və Moldovanı əhatə edir.
Onun sözlərinə görə, layihənin məsləhətçiləri bir neçə həftə ərzində öz təkliflərini təqdim edəcəklər. Layihənin kontraktoru kimi Finlandiyanın SWECO Industry şirkəti çıxış edir.
Layihənin direktoru hesab edir ki, boru kəmərlərində baş verən qəzaların 50 faizi üçüncü tərəfin müdaxiləsinə görə baş verir. Layihə çərçivəsində qaz tədarüklərinin təhükəsizlik səviyyəsinin yaxşılaşdırılması - qazın tranziti, əldə olan və tətbiq olunan təhlükəsizlik metodları sisteminin analizi, boru kəmərlərinin üçüncü tərəfin müdaxiləsindən müdafiə edilməsi nəzərdə tutulur. Personalın təlimi əməliyyat bazası kimi seçilmiş Kiyevdə keçiriləcək.
Layihənin reallaşdırılması 2007-ci ildə başlayıb və iki il ərzində davam etdiriləcək.
İNOGATE neft-qaz sektorunda texniki standartların harmonizasiyası üçün həmçinin eyni 10 ölkəni əhatə edən yeni layihənin reallaşdırılmasına başlayıb. Layihə istehsal, maddi-texniki təminat, enerji daşıyıcıların ötürülməsi və saxlanılması üzrə standartların Aİ-də tətbiq olunan tələbələrə müvafiq vəziyyətə gətirilməsini nəzərdə tutur.
Layihənin kontraktorları kimi Almaniynaın Fichner CO, Finlandiyanın SWECO Industry və Britaniyanın BSI (British Standarts Institution) şirkətləri çıxış edirlər. Layihənin baş qərargahları Ukrayna və Gürcüstanda yerləşib.
Əvvəllər INOGATE-in proqramı çərçivəsində Aİ-nin Azərbaycan-Türkmənistan-Azərbaycan Transxəzər qaz kəməri, İran-Ermənistan və İran-Türkiyə (Şərqi Anadolu) qaz kəmərinə qoşulması imkanı ilə qazın nəqlinə dair daha perspektivli marşrutların müəyyən edilməsi üzrə işlər aparılıb.
İyunun 4-nə olan rəsmi məzənnə 0,8204 AZN/USD
Müəlliflə əlaqə saxlamq üçün elektron ünvana: [email protected]
