Yanvar-mayda Bakı-Tbilisi-Ceyhan boru kəməri ilə yüngül Azərbaycan neftinin ixracı təqribən 14,5 mln. ton təşkil edib
Azərbaycan, Bakı, 06 iyun / Trend / "Azəri-Çıraq-Günəşli" dəniz blokunu mənimsəyən Azərbaycan Beynəlxalq Əməliyyat Şirkəti (ABƏŞ) yanvar-mayda təqribən 15 mln. ton Azeri Light növlü neft ixrac edib. 2007-ci ilin yanvar-mayında isə, bu rəqəm təqrinən 12,2 mln. ton olub.
Yanvar-mayda BTC boru kəməri ilə 2007-ci ilin analoji dövründə 10,7 mln. tondan çox neftə qarşı təqribən 14,5 mln. ton neft ixrac edilib. ABƏŞ martda Gürcüstanın Batumu Qara dəniz limanı istiqamətində dəmir yolu marşrutu ilə ixracı bərpa edib. Mart-mayda bu marşrutla təqribən 450 min ton neft göndərilib. Mayda isə, göndərilən neftin həcmi təqribən 126,5 min ton olub. Bakı-Novorossiysk boru kəməri ilə ixrac həyata keçirilməyib.
BP şirkəti maydan etibarən, 2006-cı ilin sonunda təmirə dayandırılmış Bakı-Supsa boru kəmərinin doldurulmasına başlayıb. Mayda boru kəmərinə 3,3 min tondan çox neft vurulub.
2007-ci ildə Bakı-Novorossiysk boru kəməri ilə 856,3 min ton neft ixrac edilib. 2006-cı ildə bu rəqəm 3,5 mln. ton olub. 2007-ci ildə Batumi limanına 2006-cı ildə 4,2 mln. tona qarşı 986 min ton neft göndərilib. Bütün ötən il ərzində təmir işləri ilə əlaqədar,Bakı-Supsa boru kəməri ilə neft ixrac edilməyib.
