Azərbaycan, Bakı, 09 iyun/ Trend , müxbir S.Babayeva/ Azərbaycanda yeni neft-kimya kompleksi tikintisinin texniki-iqtisadi əsaslandırılması nəzərdən keçirilmək üçün dövlət başçısına təqdim edilib. Bu barədə "AzərTAc" agentliyi məlumat verib.
TİƏ Societe Generale bankının iştirakı ilə tenderin qalibləri olan Technip, Nexant, White and Case şirkətləri tərəfindən hazırlanıb.
TİƏ-yə yeni neft-kimya kompleksinin optimal variantı, layihənin texniki-iqtisadi göstəriciləri, xammal və enerji daşıyıcılarından səmərəli istifadə, məhsul çeşidinin genişləndirilməsi, istehlak xassələrinin və istehsalın ekoloji göstəricilərinin yaxşılaşdırılması, məhsulun reallaşdırılması imkanlarının genişləndirilməsi üzrə təkliflər daxildir.
Azerkimya DŞ-də hesab edirlər ki, müasir texnologiyalar əsasında yaradılacaq yeni neft-kimya kompleksi Azərbaycanı regionda ən vacib neft-kimya məhsulları istehsalçısına çevirəcək, qeyri-neft sektorunun inkişafında böyük rol oynayacaq.
Hazırda tikinti işlərinin başlanılması üçün podratçının müəyyən edilməsi üzrə işlər aparılır.
