Gəncədə elektrik enerjisindən istifadə əhəmiyyətli dərəcədə aşağı düşüb
Azərbaycan, Bakı, 23 iyun / Trend / Qabaqcadan ödəmə sistemi əsasında yeni nəsil fərdi sayğaclardan istifadə nəticəsində, Gəncə şəhər (Bakıdan 365 km qərbdə yerləşən) əhalisinin elektrik enerjisindən istifadəsinin həcmləri azalıb. Bu barədə bazar ertəsi "Azerenerji" ASC-dən yayılan məlumatda bildirilib. Yanvarda bu göstərici 56 faiz, fevralda - 51 faiz, martda - 37 faiz, apreldə - 25 faiz təşkil edib.
Mayda Gəncədə təxminən 33 mln. kVt/s elektrik enerjisi istifadə olunub, bunlardan təxminən 7,7 mln. kVt/s (23 faiz) elektrik enerjisi əhalinin payına düşüb.
Mayda istifadə olunmuş elektrik enerjisinin ümumi ödəmələri 75 faiz, məişət abonentlərində bu göstərici 100 faiz təşkil edib.
Yanvarda ümumi ödəmələr 40 faiz, fevralda - 53 faiz, martda - 75 faiz , apreldə - 72 faiz təşkil edib.
