Azərbaycan, Bakı, 01 iyul / Trend , müxbir E.İsmayılov/ Dünyada enerji resurslarına tələbatın artması inkişaf etməkdə olan ölkələrdə iqtisadi artım səbəbindən davam edəcək. Bu barədə çərşənbə axşamı Bakıda BP-nin MDB ölkələri üzrə baş iqtisadçısı Vladimir Drebentsov bildirib.
Çox güman ki, elektrik enerjisinə təlabat artacaq. Dünyanın inkişaf etmiş və inkişaf etməkdə olan ölkələrində istehsalın artım tempi ilə elektrik enerjisinə tələbat arasında fərq böyüməkdə davam edir. Dünya ölkələrinin elektrik enerjisinə daha çox ehtiyac duyduğu bir vaxtda məsafə artımı iqtisadiyyatın inkişafında iki prosesin getməsi ilə əlaqədardır. İnkişaf edən dünyanın böyük hissəsində sənayeləşdirmə prosesi gedir. "Bunun bizim regiona adiyyatı yoxdur, lakin aydındır ki, Cənub -Şərqi Asiya, Afrika və Latın Amerikası üçün bu, mühüm prosesdir", - deyə Drebentsov bildrib.
Həmçinin, sənaye də inkişaf edir, lakin sənaye kənd təsərrüfatından daha çox enerji sərf edir. Drebentsov bildirib ki, paralel olaraq, adambaşına düşən gəlirlər də artır.
Bütün bunlar elektrik enerjisinə olan təlabatı artırır və məhz buna görə, dünyaya, hər şeydən əvvəl, elektrik enerjisi istehsalı üçün daha çox enerji ehtiyatları lazımdır.
Məqalə müəllifi ilə əlaqə ünvanı - [email protected]
