Azərbaycan Dövlət Neft Şirkətinin Ekologiya İdarəsi quruda neft hasil edən şirkətlər üçün işlər həyata keçirəcək
Azərbaycan, Bakı, 24 iyul/ Trend / Azərbaycan Dövlət Neft Şirkətinin Ekologiya İdarəsi "Kürsəngi" və "Qarabağlı" yataqlarını işləyən "Salyan oil" əməliyyat şirkəti ilə 36 min kubmetr qazma şlamının emalı və onun bioloji təmizlənməsi üzrə müqavilə hazırlayır. Dövlət Neft Şirkətinin subpodraçtısı kimi "Ekol Muhendislik Xidmetleri" QSC çıxış edəcək. Bu barədə QSC-dən məlumat veriblər.
"Kürsəngi - Qarabağlı" yatağının işlənilməsinə dair müqavilənin müddəti 25 ildir. Layihənin səhmdarları aşağıdakılardır: ARDNŞ - 50 faiz və hər biri 25 faiz paya malik iki Çin şirkəti - "China National Oil & Gas Exploration and Development Corp." (CNODC) və CNPC ( Hong Kong) Ltd. (CNPCHK).
Bundan əlavə, ARDNŞ-ın Ekologiya İdarəsi "Ekol" ilə birlikdə "Azgerneft" birgə müəssisəsinin hasilat həyata keçirdiyi mədənlərdə üç hektar çirklənmiş torpağın bioloji rekultivasiyasını həyata keçirəcək. Azərbaycan-Alman BM "Azgerneft" Ramana yatağını işləyir. Bu şirkətin iştirakçıları aşağıdakılardır - ARDNŞ (40 faiz), "Grunewald & Co" (30 faiz) və GI & EM (30 faiz).
2006-cı il martın 1-dən Abşeron yarımadasında mövcud ekoloji problemlərin həlli üçün "Ekol Muhəndislik Xidmətləri" QSC-nin təsisçiləri ARDNŞ (51 faiz) və Lancer S.A. Services (49 faiz) şirkətidir.
