Azərbaycan, Bakı, 19 avqust/ Trend , müxbir E.İsmayılov/Azərbaycanın Gürcüstanın Kulevi limanındakı Qara dəniz neft terminalı şənbə günü Gürcüstanın Tbilisidən 45 km qərbdə yerləşən Kaspi şəhəri yaxınlığında körpünün partladılması ilə əlaqədar neft və neft məhsullarının qəbulunu müvəqqəti dayandırıb, -çərşənbə axşamı limandan bildiriblər. Hazırda terminalda texniki işlər aparılır.
Şənbə günündən terminal partlayış vaxtı terminal və partladılmış körpü arasında olan yükü aşırıb. Hazırda yük qurtarıb və terminalda aşırma həyata keçirilmir.
"Limana yük daxil olmur. Alternativ körpünün nə zaman açılacağını gözləyirik. O zaman yüklərin qəbulu bərpa ediləcək", - limandan bildiriblər.
Şənbə günü Azərbaycan və Mərkəzi Asiyadan neft və neft məhsullarının Gürcüstan limanlarına nəqlinin həyata keçirildiyi körpünün partladılması nəticəsində dəmir yolu ilə neft və neft məhsullarının göndərilməsi dayandırılıb. Hazırda körpüdə təmir işləri aparılır və işləri həftə ərzində başa çatdırmaq planlaşdırılır. Alternativ sahədə işlər başa çatdırılır, o, sınaqdan keçirilir.
Kulevi terminalı eyni vaxtda 168 sistern-vaqonu qəbul edə bilər. Terminalın ümumi aşırma gücü 2 mln. ton xam neft, 3 mln. ton dizel yanacağı, 4 mln. ton mazut daxil olmaqla, ildə 10 mln. maye neft məhsulları təşkil edir. Terminalın çən parkının ümumi tutumu 320 min kubmetrdir. Terminalın illik gücünü 15- 20 mln. tonadək artırmaq, çən parkını isə, 380 min kubmetrədək genişləndirmək planlaşdırılır.
Müəlliflə əlaqə saxlamaq üçün elektron ünvan: [email protected]