Azərbaycan, Bakı, 29 avqust/ Trend Cap , müxbir E.İsmayılov/Gürcüstan Dəmir Yolu (GDY) bir müddət əvvəl partladılan və Gürcüstanın Qara dəniz limanlarına aparan əsas körpünü sentyabrın 11-də tam istismara verəcək,- cümə günü GDY-dən bildiriblər.
Avqustun 16 - da Gürcüstanın Kaspi şəhəri yaxınlığında yerləşən bu körpünün partladılması nəticəsində (Kulevi, Batumi və Poti limanlarına aparır) dəmir yolu ilə quru yük, neft və neft məhsullarının göndərilməsi dayandırılıb.
"Körpü hazırda əsaslı təmirdədir", - GDY- dən bildiriblər.
Partlayışdan bir neçə gün sonra alternativ dəmir yolu körpüsündə təmir işləri aparılıb. İşlər bir neçə gün davam edib və gürcü və azərbaycanlı mütəxəssislər tərəfindən aparılıb. Bu dəmir yolu yatağı köhnədir və 1901-ci ildə istismara verilib. Əvvəlcə mütəxəssislər bu körpü ilə iritonnajlı qatarların hərəkət imkanını istisna etsələr də, bu istiqamətdə hərəkətin başlaması haqqında qərar qəbul edilib. Bu alternativ dəmir yolu körpüsü ilə qatarların hərəkəti avqustun 24 - də başlayıb.
GDY sentyabrın 1- dən alternativ körpü ilə sərnişin qatarlarının buraxılmasını planlaşdırılır. Sərnişin qatarlarının hərəkətində yubanmalar körpünün dayanıqlılığının yoxlanılması ilə bağlıdır.
Müəlliflə əlaqə saxlamaq üçün elektron ünvan: cap
