...

Azərbaycanın Dövlət Neft Şirkəti elektrik stansiyalarına göndərilən qazın həcmini iki dəfə artırıb

Energetika Materials 6 Sentyabr 2008 11:38

Trend-i buradan izləyin

Azərbaycan, Bakı, 06 sentyabr/ Trend / Yanvar-avqustda yanacaq qismində istifadə üçün "Azərenerji" SC-yə ötən ilin analoji dövründəki 1,6 mlrd. kubmetrdən çox qaza qarşı təxminən 3,1 mlrd. kubmetr qaz verilib, - Azərbaycan Dövlət Neft Şirkətinin (ARDNŞ) məlumatında bildirilir.

Avqustda "Azərenerji"yə planlaşdırılan 452 mln. kubmetrə qarşı 414,6 mln. kubmetr qaz verilib.

Proqnoza əsasən, 2008 - ci ildə SC 5,557 mlrd. kubmetr qaz alacaq.

Ötən ilin aprelindən Azərbaycanda dövlət idarələri arasında qaz əməliyyatları üzrə qarşılıqlı hesablama sxemi dəyişdirilib; ARDNŞ şəxsi qazını birbaşa "Azərenerji"yə satır. Əvvəllər Dövlət Neft Şirkəti bu əməliyyatı "Azəriqaz" SC vasitəsilə həyata keçirirdi.

Dövlət Neft Şirkəti qazın 1 min kubmetrini 42 manata "Azəriqaz"a, o da"Azərenerji"yə satırdı. Sonuncu qazdan elektrik enerjisi istehsalında yanacaq kimi istifadə edir.

"Azərenerji"nin verilən qaza görə "Azəriqaz"a ödənişi aşağı olur, onun isə alınmış yanacağa görə ARDNŞ qarşısında borcu yaranırdı. Hazırda "Azəriqaz" qazı yalnız elektrik stansiyalarına nəql edir.

Xəbər lenti

Xəbər lenti