Azərbaycan, Bakı, 09 sentyabr/ Trend Cap müxbir E.İsmayılov/ "Azərbaycanın Dövlət Neft Şirkəti (ARDNŞ) cari ilin sentyabr ayı ərzində Gürcüstan hökuməti ilə bu ölkədəki 30 qazpaylayıcı şəbəkəsini idarəetməyə almaq barədə saziş imzalamaq niyyətindədir", - SOCAR Georgia şirkətinin (ARDNŞ-in müəssisəsi) rəhbəri Mahir Məmmədov çərşənbə axşamı bildirib.
ARDNŞ özünün SOCAR Georgia müəssisə vasitəsilə üç il ərzində Gürcüstanın 30 qazpaylayıcı şəbəkəsinin abunəçilərinin sayını 250 min artırmaq niyyətindədir. Nəticədə, bu şəbəkələrdə istehlak olunan qazın həcmi hazırki 45 mln. kubmetr/ildən 350 mln. kubmetr/ilədək (Gürcüstanın indiki istehlakının 18-20 faizi) artacaq.
Azərbaycanın Dövlət Neft Şirkəti şəbəkələrin inkişafı üçün təxminən $40 mln. sərmayə yatırmaq niyyətindədir. Daha $9 mln. mövcud şəbəkələrin bərpası üçün lazımdır. Bu şəbəkələr, Tbilisi istisna olmaqla, təxminən bütün Gürcüstan ərazisini əhatə edir.
ARDNŞ müstəqil işlədiyi yataqlardan hasil etdiyi şəxsi qazına malikdir.
İdarəyə verilən Şəbəkələrdə satılan qazın tarifləri yenidən tənzimlənəcək ki, bu da səmərəli kommersiya fəaliyyəti həyata keçirməyə imkan verəcək. Azərbaycanın Dövlət Neft Şirkəti hazırda azərbayncalıların sıx yaşadıqları Gürcüstanın Marneuli rayonunun "Marneuliqaz" paylayıcı şəbəkəsinin idarəyə alınmasına dair danışıqlar aparır.
2008 - ci ilin sonunadək Azərbaycan Gürcüstana təqriən 600 mln. kubmetr - sutkada 1,3-1,5 mln. kubmetr qaz tədarük edəcək. Qaz Azərbaycan Dövlət Neft Şirkətinin şəxsi yataqlarından hasil edilir.
Qara dəniz sahilində, Kulevidə neft terminalının tikintisi də daxil olmaqla, Dövlət Neft Şirkətinin Gürcüstanda investisiya infrastruktur layihələri var və özünün pərakəndə neft məhsulları şəbəkəsini yaradır.
Gürcüstana xarici şirkətlər konsorsiumunun işlədiyi Azərbaycanın "Şahdəniz" qaz-kondensat yatağından sutkada təqribən 1 mln. kubmetr qaz tədarük edilir.
Müəlliflə əlaqə saxlamaq üçün elektron ünvan: cap
