Azərbaycan, Bakı, 18 sentyabr/ Trend , müxbir R.Novruzov/ ABŞ Dövlət Departamentinin nümayəndəsi Metyu Brayza Bakıda bəyan edib ki, Birləşmiş Ştatlar və Azərbaycan arasında əməkdaşlığın daha da yaxınlaşdırılmasına dair planlar var.
"Bizim birgə planımız var. Bu o deməkdir ki, biz daha çox yaxınlaşmaq üçün nə isə etməyə tələsirik", - çərşənbə günü Azərbaycan paytaxtına gələn ABŞ Dövlət Katibi müavininin köməkçisi Metyu Brayza cümə axşamı Bakıda keçirilən mətbuat konfransında bildirib.
Onun sözlərinə görə, Bakıya səfəri zamanı Azərbaycan prezidenti, hökumət başçısı, Azərbaycanın Dövlət Neft Şirkətinin prezidenti, energetika naziri ilə görüşləri olub.
"Bu görüşlərdə ABŞ və Azərbaycan arasında dərin əməkdaşlıq müzakirə olunub", - Brayza bildirib.
Amerikalı diplomatın sözlərinə görə, onun Bakıya səfərində məqsədi energetika və Ermənistan - Azərbaycan münaqişəsi məsələlərinin müzakirəsidir.
Müəlliflə əlaqə saxlamaq üçün elektron ünvan: [email protected]