...

Gürcü - osetin münaqişəsi Gürcüstanda işləyən enerji şirkətlərinə böyük zərər vurub

Energetika Materials 18 Sentyabr 2008 18:39

Trend-i buradan izləyin

Gürcüstan, Tbilisi, 18 sentyabr/ Trend , müxbir N.Kirtsxaliya/ Gürcü - osetin münaqişəsi zamanı Gürcüstanda yanacaq çatışmazlığının aradan qaldırılması məqsədilə Azərbaycandan böyük həcmdə dizel yanacağı və benzin idxal edilib, - Gürcüstanın Neft Məhsulları İdxalçıları, İstehsalçıları və İstehlakçıları Birliyindən cümə axşamı bildiriblər.

Münaqişə özəl şirkətlərə böyük zərər vurub. "İndiyədək "LUKoyl" və "Vissol" şirkətlərinin Kurta və Tamaraşeni kəndlərində yerləşən yanacaqdoldurma məntəqələrinin taleyi məlum deyil. Sameqreloda yanacaqdoldurma məntəqələri dağıdılıb və yanacaq oğurlanıb,- İdxalçılar Birliyindən bildiriblər.

Azərbaycan Dövlət Neft Şirkətinin (ARDNŞ) SOCAR Energy Georgia şirkətinin rəhbəri Mahir Məmmədovun əvvəllər bildirdiyinə görə, şirkət ilin sonunadək Gürcüstan bazarına bütün neft məhsullarının 55 - 60 faizini tədarük etmək niyyətindədir.

"Gürcü-osetin münaqişəsi və Qara dəniz limanlarının bağlanması ilə əlaqədar Gürcüstan bazarında Azərbaycanın neft məhsullarının xüsusi çəkisi 75 faizə çatıb. Münaqişə günlərində bu göstərici 100 faiz olub", - Məmmədov qeyd edib.

ARDNŞ il ərzində Gürcüstana 350 min ton neft məhsulu ixrac etmək niyyətindədir. İlk altı ay ərzində bu ölkəyə 180 min ton neft məhsulu ixrac edilib. 2007 - ci il ərzində Gürcüstana ixrac olunan neft məhsullarının həcmi 200 min tona bərabər olub.

SOCAR Georgia Tbilisidə neft məhsullarının saxlanılması üçün iri bazanın tikintisini də həyata keçirir. Bu layihə $15 mln. qiymətləndirilir. Şirkət bazanı gələn ilin sonunadək tikmək niyyətindədir. Bazada müxtəlif növ benzin, kerosin, bitum, maye qaz və mazut saxlanılacaq. Bazanın sahəsi təxminən beş ha olacaq.

SOCAR Georgia həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti