Azərbaycan, Bakı, 09 oktyabr/ Trend , müxbir E.İsmayılov/ Gürcüstanlı və azərbaycanlı mütəxəssislər oktyabrın əvvəlində fırtına nəticəsində SOCAR şirkətinin (Azərbaycanın Dövlət Neft Şirkəti) Gürcüstanın Kulevi limanındakı terminalı yaxınlığında batan Ukraynanın їSkadovskї gəmisindən yanacağın çəkilməsini həyata keçirirlər, - terminalda işlərə yaxın mənbə cümə axşamı bildirib.
їArtıq gəmidə olan 25 - 30 ton yanacağın bir neçə tonu çəkilib. Bütün proses dörd - beş gün davam edəcəkї, - mənbə bildirib.
Yanacaq Azərbaycan terminalının verdiyi nasosun yardımı ilə çəkilir. Əvvəllər yanacağın gəmidən dənizə axmasının qarşısını almaq üçün onun ətrafında xüsusi bonlar quraşdırılmışdı.
Baş verən hadisə və onun nəticələrinə görə bütün məsuliyyəti Ukrayna tərəfi öz üzərinə götürüb. O, həmçinin, Odessada gəmini hissələrə ayıracaq və onu dənizin dibindən çıxarılacaq mütəxəssislərin axtarışı ilə məşğul olacaq. їSkadovskї yararsız vəziyyətə düşüb və təmiri mümkün deyil. Bu proses təxminən iki-üç ay davam edəcək. Gürcüstan ərazisində zəruri avadanlığın olmaması (məsələn, gəmini dənizin dibindən çıxarmaq üçün qaldırıcı kranların) işləri çətinləşdirir, - mənbə bildirib.
Görülən işlərin gedişində gəmi kapitanı və bir ekipaj üzvünün cəsədi tapılıb. Daha bir dənizçinin cəsədi indiyədək tapılmayıb. Mümkündür ki, o, gəmi hissələrə ayrıldıqdan sonra tapılacaq. Ümumilikdə üç nəfər həlak olmuş hesab edilir. Gəminin göyərtəsində olan 31 nəfərdən 28 - i xilas edilib.
їSkadovskї cümə günü fırtına nəticəsində (6 -7 ballıq fırtına) Gürcüstan vaxtı ilə səhər saat 5 - də çevrilib. Sentyabrın 30 - da bu gəmi saya oturub və deşilib. Sonra Ukraynadan mütəxəssislər gəlib və їSkadovskїu saydan yedək vasitəsilə çıxarmağı qərara alıblar. Yedəkləmə işləri zamanı gəmi çevrilib, - əvvəllər terminaldan bildiriblər.
Qəza terminalın işinə heç bir şəkildə təsir göstərməyib. Gəmilərin limana daxil olmasına maneələr yoxdur. Hazırda sifariş olmadığı üçün, terminalda yükləmə işləri aparılmır. Dənizin dibinin dərinləşdirilməsi işləri iri gəmilərin limana daxil olmasına şərait yaradılması üçün aparılıb.
SOCAR şirkətinin Kulevi terminalı eyni vaxtda 168 sistern - vaqonu qəbul edə bilər. Terminalın ümumi aşırma gücü, 2 mln. ton xam neft, 3 mln. ton dizel yanacaı, 4 mln. ton mazut daxil olmaqla, ildə 10 mln. maye neft məhsulları təşkil edir. Terminalın çən parkının ümumi tutumu 320 min kubmetrdir. Terminalın illik gücünü 15 - 20 mln. tonadək artırmaq, çən parkını isə, 380 min kubmetrədək genişləndirmək planlaşdırılır.
Müəlliflə əlaqə saxlamaq üçün elektron ünvan: [email protected]
