Gürcüstan, Tbilisi, 14 oktyabr / Trend , müxbir N.Kirtsxaliya/ ABŞ "Minilliyin çağırışları" proqramı çərçivəsində Gürcüstana $100 mln. vəsait ayırıb. Bu vəsait qaz anbarının tikintisinə və yolların bərpasına sərf olunacaq.
Gürcüstanın Baş naziri Vladimir Qurgenidzenin Vaşinqtonda keçirdiyi görüşlərdən sonra yeni tranşın ayrılması məlum olub.
Bu, Gürcüstan üçün "Minilliyin çağırışları" proqramı çərçivəsində artıq ikinci tranşdır. $300 mln. məbləğində birinci tranş magistral qaz kəmərinin bərpasına və digər enerji layihələrinə sərf edilib.
Qurgenidze həmçinin Dünya Bankı, Beynəlxalq Valyuta Fondu və ABŞ-ın Maliyyə Nazirliyinin rəhbərlikləri ilə danışıqlar aparıb.
