Azərbaycan, Bakı, 04 noyabr/ Trend , müxbir S.Əliyev/ "Krasnoye Sormovo" zavodunda (Nijni Novqorod) Palmali Şirkətlər Qrupunun sifarişi ilə tikilmiş RST22 layihəli yeni tanker suya buraxılıb. Gəmi "Araz River" adını alıb, -Palmali-nin məlumatında bildirilir.
Gəmi layihəsi Odessa şəhərinin gəmi mühəndisliyi bürosu tərəfindən hazırlanıb və o, bütün beynəlxalq ekoloji standartlara cavab verir. "Yeni Armada" seiryasından olan tankerə verilən Eko layihə nişanı gəmidə layihələşdirmə mərhələsində ətraf mühitin çirkləndirilməsinin qarşısını almaq üçün əlavə təkmilləşdirmələr tətbiq olunduğunu göstərir.
Gəminin uzunluğu 139,95 m, eni 16,60 m, göyərtəsinin hündürlüyü 6 m, çayda və dənizdə suya oturma dərəcəsi, müvafiq olaraq, 3,60 m və 4,60 metrdir.
Yüksək dərəcədə avtomatlaşdırılmış tanker Qara, Azov, Baltik və Aralıq dənizlərində daşımalar həyata keçirəcək.
Müəlliflə əlaqə saxlamaq üçün elektron ünvan: [email protected]
