Azərbaycan, Bakı, 06 noyabr/ Trend / Azərbaycan gələn il 2008 - ci ilin 4,6 mlrd. kubmetr qazına nisbətdə 6,8 mlrd. kubmetr qaz ixrac etmək niyyətindədir. Bu barədə Azərbaycan hökumətinin 2009 - 2012 - ci illər üzrə büdcə proqnozlarında bildirilir.
2010 - cu ildə bu göstərici 6,9 mlrd. kubmetrədək artacaq, 2011 və 2012-ci illərdə 7,1 mlrd kubmetr təşkil edəcək.
2009 - cu ildə kondensat ixracı həcmi 2008 - ci ilin 2 mln. tonuna nisbətdə 2,2 mln. tona bərabər olacaq. 2010- 2012- ci illərdə bu göstərici 2,3 mln. ton təşkil edəcək.
Azərbaycandan qaz Gürcüstan və Türkiyəyə Cənubi Qafqaz boru kəməri ilə ixrac olunur. Gürcüstana SOCAR da (Azərbaycan Dövlət Neft Şirkəti) qaz tədarük edir.
Kondensat "Şahdəniz" yatağından hasil edilir və Bakı -Tbilisi - Ceyhan neft kəməri ilə ixrac olunur.
Məqalə müəllifi ilə əlaqə ünvanı: [email protected]
