Azərbaycan, Bakı, 06 noyabr/ Trend / SOCAR şirkəti (Azərbaycanın Dövlət Neft Şirkəti) yaxın vaxtlarda "Bahar-1" dəniz yatağında yeni dərin quyunun qazılmasına başlamaq niyyətindədir, - SOCAR şirkətindən cümə axşamı bildiriblər.
Bu quyunun layihə dərinliyi 5200 metr təşkil edəcək. Quyu qaz hasilatı məqsədilə qazılacaq.
Əvvəllər şirkət "Bahar-2" perspektivli qaz strukturunda geofiziki işlərə başlayıb. İşlər ilin sonunadək aparılacaq və 2009 - cu ildə də davam etdiriləcək. Ehtiyatların olması və onların həcmi yalnız geofiziki məlumatlar alındıqdan sonra müəyyən ediləcək, - mənbə bildirib.
Ehtiyatlarının xeyli hissəsinin işlənildiyi "Bahar-1" yatağı unikal yataqdır. Ötən əsrin 80-ci illərində yataqdan 16 -17 mln. kubmetr qaz hasil edilirdi ki, bu da ölkənin qaza olan tələbatının 30 - 40 faizini ödəyirdi. SOCAR "Bahar" yatağının işlənilməsi ilə müstəqil surətdə məşğul olur.
Azərbaycanda qazın hasilatı ilə SOCAR şirkəti məşğul olur. Şirkət qazı şəxsi vəsaitləri hesabına işlədiyi yataqlardan hasil edir. SOCAR - ın hasil etdiyi qazın böyük hissəsi Azərbaycanın daxili bazarındakı tələbatı ödəmək üçün sərf olunur, həmçinin, bir hissəsi Gürcüstana ixrac edilir.
Müəlliflə əlaqə saxlamaq üçün elektron ünvan: [email protected]
