Azərbaycan, Bakı, 20 noyabr / Trend , müxbir İ.Xəlilova / Azərbaycanda Mədən Sənayesində Şəffaflıq Təşəbbüslərinin (EİTİ) tətbiqi proseslərinin qiymətləndirilməsi üçün Coffey International Development şirkəti seçilib, - cümə axşamı Azərbaycan Dövlət Neft Fondundan (ARDNF) deyiblər.
Dörd şirkətin dəvət olunduğu müsabiqədə International Development qalib gəlib. İddialılar arasında Goldwyn International, Hart Group və ECON da olub. Müsabiqədə ikinci və üçüncü yerləri Goldwyn Inernational və Hart Group qazanıblar.
EITI - nin Beynəlxalq İdarə Heyəti şəffaflıq təşəbbüslərə qoşulmuş ölkələrdə bu təşəbbüsün tətbiqi prosesinin qiymətləndirilməsi üçün dünya əhəmiyyətli yeddi şirkəti - Coffey Int. Dev. Ltd., ECON, The IDL Group, Goldwyn Int Strategies, Hart Nurse Limited, Oxford Policy Management, PricewaterhouseCoopers vəAccountability - müəyyən edib.
EİTİ-nin Beynəlxalq İdarə Heyətinin 2007- ci il sentyabrın 27 - də Oslo şəhərində keçirilən
3 - cü iclasında 15 ölkəyə, o cümlədən Azərbaycana namizəd statusu verilib. İdarə Heyətinin qərarına əsasən, EİTİ - nin tam üzvü olmaq üçün ölkələrdə xüsusi qiymətləndirmə prosesi keçirilməlidir Azərbaycanda ilk dəfə qiymətləndirmə prosesi 2008 - ci ildən başlanılıb.
Müəlliflə əlaqə ünvanı: [email protected]
