Azərbaycan, Bakı, 21 noyabr/ Trend , müxbir E.İsmayılov/ "Cari ilin iyunundan -- Caspian Shipyard Company (CSC) neft servisi şirkətinin yerli əməkdaşlarının tətilindən indiyədək şirkətdən təxminən 100 nəfər işdən azad edilib, - Neftçilərin Hüquqlarının Müdafiəsi Komitəsinin rəhbəri Mirvari Qəhrəmanlı cümə günü keçirilmiş mətbuat konfransında bildirib.
Tətil əmək haqqının artırılması və əmək şəraitinin yaxşılaşdırılması tələbi ilə keçirilib. Bundan sonra əməkdaşların əmək haqqı altı faiz artırılıb.
İşdən azadetmələr şirkətin əmək müqavilələrini uzatmaq istəməməsində öz əksini tapır. İşdən azad edilənlər, əsasən, şirkətin həmkarlar ittifaqının fəallarıdır.
Tətil Caspian Shipyard Company - nin neft servisi müəssisənin ərazisində keçirilib. Keçirilmiş tətilin təxminən 700 nəfər olan iştirakçıları CSC rəhbərliyindən əmək haqqının 500-1000 manatadək artırılmasını tələb ediblər.
Tətil edənlər - CSC-nin yerli sakinləri iddia edirdilər ki, şirkətin təxminən 300 nəfər əcnəbi əməkdaşının aylıq əmək haqqı minimum 1200 dollar təşkil edir. Onlar iş qrafikinin normallaşdırılmasını tələb edirdilər.
Caspian Shipyard Company ilə təcili şərhlər üçün əlaqə saxlamaq mümkün olmayıb.
Müəlliflə əlaqə saxlamaq üçün elektron ünvan: [email protected]
