Azərbaycan, Bakı, 26 noyabr/ Trend , müxbir E.İsmayılov, S.Babayeva/ 2009 - cu ildə kimya məhsulları istehsalçısı "Azerkimya" Dövlət Şirkəti SOCAR-dan (Azərbaycan Dövlət Neft Şirkəti) daxili tələbatlar üçün 280 min ton birbaşa qovulmuş benzin (nafta) alacaq. Bu göstərici ötən il 270 min tona bərabər olub. Bu barədə çərşənbə günü şirkətdə işlərə yaxın mənbədən bildiriblər.
Nafta şirkət tərəfindən məhsul istehsalında yanacaq qismində istifadə olunur.
Yanvardan bəri şirkət tərəfindən 249 min ton birbaşa qovulmuş benzin alınıb, ilin sonunadək bu rəqəm 270 min ton təşkil edəcək. Bu il SOCAR-ın ayırdğı neft həcmi dövlət müəssisəsinin bu neft məhsuluna olan tələbatını tam ödəyib.
SOCAR-ın Marketinq və İqtisadi Əməliyyatlar İdarəsinin internet saytında yerləşdirilən məlumata görə, Azərbaycanın daxili bazarında naftanın bir tonunun topdansatış qiyməti 210 manat təşkil edir.
Yanvar- oktyabr ərzində "Azerkimya" Dövlət Şirkəti kimya məhsullarının bütün növləri üzrə 2007-ci ilin analoji dövr göstəricilərini əhəmiyyətli dərcədə qabaqlayır. Dövlət Statistika Komitəsinin məlumtına görə, yanvar - oktyabrda müəssisə tərəfindən 13,4 min ton azot, 18,7 min ton kaustik soda, 27,3 min ton propilen, 49,9 min ton polietilen, 17,8 min ton izopropil spirti, 2,2 min ton lak - boya məmulatları və üç min ton xlor oksidi istehsal olunub.
Noyabrın 26 -na olan cari məzənnə 0,8074 AZN/USD təşkil edir.
Məqalə müəllifi ilə əlaqə ünvanı - [email protected]
