Azərbaycan, Bakı, 26 noyabr/ Trend / SOCAR şirkətinin (Azərbaycan Dövlət Neft Şirkəti) yeni asfalt zavodu ilk istehsal yarımilliyi ərzində 3,5 mln. manat məbləğində 35 min ton asfalt istehsal edib. Bu barədə SOCAR şirkətinin məlumatında bildirilir. Zavod cari ilin may ayından fəaliyyət göstərir.
Yarım il ərzində zavodun gəlirləri 571 min manat təşkil edib. Onun istehsal gücü saatda 56 ton asfalta bərabərdir.
Zavodda istehsal olunan asfalt Qaradağ yeraltı qaz anbarının tikintisi çərçivəsində, gələn il çəkiləcək 10 km-lik yol üçün qismən istifadə olunacaq.
