Azərbaycan, Bakı, 02 dekabr / Trend , müxbir E.İsmayılov /Gürcüstanın Poti Qara dəniz terminalından aşırılmış yüklərin həcmi yanvar-sentyabrda 6,03 mln. ton olub. Ötən ilin analoji dövründə bu göstərici 5,8 mln. ton təşkil edib, - limanın rəsmi məlumatında deyilir.
Aşırılmış yüklərin ümumi həcmində tökmə yüklərin payı - 2,7 mln. ton (ümumi həcmin 44,35 faizi) olub. 2007-ci ildə bu göstərici 2,3 mln. ton təşkil edib.
Ümumi həcmdə əsas məhsulların payı 2,6 mln. ton (ümumi həcmin 43,36 faizi) olub. Ötən ilin yanvar - sentyabr aylarında bu rəqəm 2,4 mln. tonu keçib.
Terminaldan aşırılmış maye yüklərin həcmi doqquz ay ərzində yüklərin ümumi həcminin 12,29 faizini təşkil edib. 2008 - ci ildə bu göstərici 2007- ci ildəki 1,1 mln. tondan 741,2 min tonadək azalıb.
Ümumilikdə Potidə 16 terminal möcvuddur, onların yalnız ikisində neft və neft məhsullarının aşırılması gerçəkləşdirilir, - limanın rəsmi saytında bildirilir.
Müəlliflə əlaqə ünvanı: [email protected]
