Azərbaycan, Bakı, 05 dekabr/ Trend , müxbir A.Bədəlova/ Dünyada risklərin idarə edilməsi üzrə proqram həllərinin aparıcı tədarükçüsü Triple Point bu gün, "Socar Trading" şirkətinin (SOCAR şirkətinin - Azərbaycan Dövlət Neft Şirkətinin törəmə müəssisəsi) yüngül neft üzrə ticarət əməliyyatlarının dəstəklənməsi üçün "Commodity XL for Oil™" sistemini seçib, - EON yazır.
Cenevrədə yerləşən "Socar Trading" Azərbaycanın neft və neft məhsullarının Avropada satışı üçün 2008-ci ilin fevralında yaradılıb. SOCAR-a informasiyanın ümumiləşdirilməsi və müəssisənin ticarət və risklərinin idarə edilməsi üçün real vaxt sistemi lazımdır. Bundan başqa, neftin gəmi və boru kəmərləri vasitəsilə nəqlinin və benzinin dəmir yolu vaqonları vasitəsilə daşınmasının yüngülləşdirilməsi üçün maddi-texniki həll yolu lazımdır.
"Commodity XL" SOCAR-ı tədarükləri bir ekranda planlaşdırmaq, idarə etmək və optimallaşdırmağa imkan verən maddi-texniki qərarla birlikdə, bütün biznes çərçivəsində ətraflı təhlil və əsas səmərəlilik göstəricilərinin qrafik təsviri ilə təmin edəcək.
"Socar Trading" həmçinin "Commodity XL Management Dashboard™"-ə əsas səmərəlilik göstəricilərinin idarə olunmasının təmin edilməsi vasitəsilə intellektual qərarların qəbulunu idarə etməyə icazə verib.
"Commodity XL" tədarüklər, ticarət, marketinq, loqistika, planlaşdırma, risklərin idarə edilməsi və mühasibat uçotunun bütün tələblərinə cavab verən, multibazar mallar və müəssisələrin risklərinin idarə edilməsi üzrə aparıcı həll vasitəsidir.
Müəlliflə əlaqə saxlamaq üçün elektron ünvan: [email protected]