...

Azərbaycanda "Azəri" yatağının mərkəzi hissəsində beş istismar quyusu işləyir

Energetika Materials 14 Yanvar 2009 19:22 (UTC +04:00)

Azərbaycan, Bakı, 14 yanvar/ Trend ,müxbir S.Əliyev/ Hazırda Xəzərin Azərbaycan sektorunda, qaz tullantıları ilə əlaqədar bir müddət əvvəl hasilatın dayandırıldığı "Mərkəzi Azəri" yatağında dayanmayadək istismar edilən 13 quyudan 5 hasilat quyusu işləyir, - BP şirkətindən bildiriblər. Hasilat təxminən 111 min barel neftə bərabərdir.

Yanvar ərzində "Mərkəzi Azəri" platforması fəaliyyətini tam bərpa edəcək, - SOCAR şirkətinin (Azərbaycanın Dövlət Neft Şirkəti) rəhbəri Rövnəq Abdullayev əvvəllər  deyib.

"Azəri-Çıraq-Günəşli" yataqlarının işlənilməsi layihəsinin operatoru BP şirkətidir. Bu gün AÇG yataqlar blokunda neft hasilatının həcmi yataqdakı platforma dayandırılanadək olan təxminən 900 min barelə qarşı sutkada 700 min bareldən çox təşkil edir.

AÇG yataqlarının işlənilməsinin operatoru BP şirkəti sentyabrın 17 - də dənizdə qaz tullantılarının aşkar edilməs ilə əlaqədar, "Mərkəzi Azəri" yatağından neftin hasilatını dayandırıb və personalı yataqda quraşdırılmış platformadan köçürüb.  Ehtiyat məqsədilə yatağın qərb hissəsində də - "Qərbi Azəri" platformasından da hasilat dayandırılıb, lakin sonra bərpa edilib.

"Azəri - Çıraq - Günəşli" yataqlarından Bakı - Tbilisi - Ceyhan boru kəmərilə ixrac olunan Azeri Light növlü neft hasil edilir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti