PremiumSOCAR-ın  idarələrindən birindəki qaz partlayışında ciddi zərərçəkən olmayıb

Azərbaycan, Bakı, 15 yanvar/ Trend , müxbir E.İsmayılov/ SOCAR şirkətinin (Azərbaycanın Dövlət Neft Şirkəti) İxtisaslaşmış Texnika İdarəsində bir gün əvvəl baş vermiş qaz partlayışında ciddi  xəsarət alan  olmayıb, - SOCAR-dan cümə axşamı bildiriblər. Hazırda iş normallaşıb, hadisə ilə bağlı  təhqiqat aparılır.

Partlayış nəticəsində əməkdaşlar Əliyev İlham, Hacıməmmədov Lazer, Camalov Seyfəddin, İsmayılov İbad, Əliyev Ağası, Kazımov Samir və Əliyeva Mənsurə zərər çəkiblər, - məlumatda deyilir.

"Zərərçəkənlər yüngül yaralar alıblar, vəziyyət artıq normallaşıb. İlkin təhiqatın yekunlarına görə, partlayış anbarda qaz sızmasından baş verib", - SOCAR-dan bildiriblər.

Daxili İşlər Nazirliyinin məlumatında deyildiyi kimi, yanvarın 14-də saat 10:00 - da Səbayel rayonunun "Dəniz" küçəsində yerləşən İxtisaslaşmış Texnika İdarəsinin anbarında təbii qazın sızması nəticəsində partlayış baş verib. Nəticədə, anbarın arakəsmə divarı dağılıb, dörd kv.m sahədə əmlak  tamamilə yararsız hala düşüb.

Fakt üzrə təhqiqat aparılır.

Müəlliflə əlaqə saxlamaq üçün elektron ünvan: [email protected]