Azərbaycan, Bakı, 22 yanvar/ Trend , müxbir E.İsmayılov/ 2008 - ci ildə Bakı əhalisinə verilmiş qaza görə ödənişlərin yığımı 55 faiz təşkil edib, - "Bakqaz" İstehsalat Birlyinin (Bakıda qazın paylanması) rəhbəri Tahir Əliyev cümə axşamı bildirib.
"Ötən il yığımlar 55 faiz təşkil edib və bu bizi qane edə bilməz", - Əliyev vurğulayıb.
Onun sözlərinə görə, əhali arasında istifadə edilmiş qaza görə ödənişlərin yığımının artması şəhərin qaz təsərrüfatını yenidən qurmağa imkan verəcək və şəhərin qaz təchizatı ilə bağlı problemlərin həllinə yardım edəcək.
İstifadə edilmiş qaza görə borcları ödəməmiş abunəçilərə qazın verilməsi yanvarın 25 - dən dayandırılacaq.
Abunəçilərin sayğaclarla təmin edilməsinədək əhalinin istifadə etdiyi qaza görə yaranmış köhnə borcların ləğvi hələ nəzərdən keçirilmir. Qaz sayğaclarının quraşdırılmasınadək olan borclar (yarandığı dövrdən asılı olmayaraq), eləcə də sayğacların quraşdırılmasından sonra yaranmış borclar abunəçilərin debitor borcları hesab edilir. "Lakin bu gün reallıqdan çıxış edirik və bizim tələblərimiz abunəçilərin, sayğaclara müvafiq olaraq, istifadə edilmiş qaza görə 100 faiz ödənişi həyata keçirmələri və mümkün olduqca, köhnə borcları da ödəmələridir", - Əliyev deyib.
Onun sözlərinə görə, Bakı şəhəri abunəçilərinin 98 faizinin sayğacla təmin olunması ilə, dekabrda əhali arasında yığımlar 41 faiz təşkil edib. Bu yığım göstəricisinə yalnız istifadə olunmuş qaza görə sayğaclarla təsbit edilmiş ödəniş daxildir.
"Bu gün sistemimizdə öz vəziyyətindən şəxsi məqsədlərdə istifadə edən işçilər də var. Bu gün bu işçiləri tanıyırıq və onlar çox deyillər. Onlarla mübarizə aparırıq", - Əliyev deyib. Əvvəllər belə işçiləri yalnız işdən azad edirdilərsə, indi işdən azad edilməkdən başqa, günahından asılı olaraq, onlara qarşı cinayət işləri də qaldırılacaq, - Əliyev qeyd edib.
Yanvarın 25 - dən sonra QSC, istifadə olunmuş qaza görə ödəniş səviyyəsi tələb olunan səviyyədə olmayan abunəçilərə qazın verilməsində məhdudiyyətlər tətbiq etməyə başlayacaq, - "Azəriqaz" QSC-nin rəhbəri Əlixan Məlikov əvvəllər bildirib. Bəzi rayonlarda qazın verilməsinə məhdudiyyətlər məhz istifadə olunmuş qaza görə yığımlarla bağlıdır.
Bu, ölkənin rayonlarında da tətbiq olunacaq və "bir rayonda yığımlar 50 faiz təşkil edərsə, qaz ora 50 faiz limitlə veriləcək", - Məlikov deyib.
Müəlliflə əlaqə saxlamaq üçün elektron ünvan: [email protected]
в
