Azərbaycan, Bakı, 22 yanvar/ Trend /
SOCAR şirikəti (Azərbaycanın Dövlət Neft Şirkəti) 2008- ci ildə Gürcüstana təqribən 788,93 mln. kubmetr qaz ixrac edib, - SOCAR-ın məlumatında deyilir. Dekabrda ixrac həcmi 178,45 mln. kubmetr qaz təşkil edib. Gürcüstana qaz tədarükü apreldə başlayıb.
Gürcüstana sutkada təxminən 5 mln. kubmetr qaz tədarük edilir. SOCAR işlədiyi yataqlardan hasil etdiyi şəxsi qazına malikdir.
SOCAR ötən ilin mayında İrana 30 mln. kubmetr şəxsi qazını tədarük edib. Tədarük "Azəriqaz" QSC-nin boru kəmərləri ilə həyata keçirilir. İslam Respublikasına qaz hər 1 min kubmetrinə görə 300 dollar qiymət üzrə ixrac olunub.
Azərbaycan və İranı 1474,5 km uzunluğunda Qazıməmməd - Astara - Bind - Biand qaz kəməri bağlayır. Onun Azərbaycan ərazisindən keçən hissəsinin uzunluğu 296,5 kilometrdir. Onun ötürmə gücü ildə 10 mlrd. kubmetrdir. Bu marşrut 1971-ci ildə istismara verilmiş Qazax - Astara - İran boru kəmərinin bir qoludur. Onun marşrutu boyunca - Qazıməhəmməd, Ağdaş və Qazaxda üç kompressor stansiyası tikilib. Qaz nəqli sistemi 55 atm. təzyiqə hesablanıb. Boru kəmərinin diametri 1200 mm.- dir.
