Azərbaycan, Bakı, 05 fevral / Trend / "SOCAR (Azərbaycan Dövlət Neft Şirkəti) "Günəşli" dəniz yatağındakı yüksəkdebitli quyunu istismara verib" , - SOCAR-ın məlumatında deyilir. Quyu "Günəşli-14" platformasından istismara verilib.
Quyudan gündəlik 300 min kubmetr qaz və 50 ton kondensat hasil edilir.
"Günəşli-14" platforması 1988-ci ildə istismara verilib. O vaxtdan bugünədək platformadan 35 quyu qazılıb.
Platformdan gündəlik 5,5 milyon kubmetr qaz və 2200 ton neft hasil edilir. Platforma "28 may" neft-qaz hasilatı idarəsi fonduna daxildir.
Neft Qaz Hasilatı İdarəsi (NQHİ) tərəfindən istismar olunan bu platformadan 2008-ci ildə təxminən 5,3 milyon ton neft və 6,5 milyard kubmetr qaz - SOCAR-ın ümumi hasilatının müvafiq olaraq 70 və 80 faizi hasil edilib.
Məqalə müəllifi ilə əlaqə ünvanı: [email protected]
