Türkmənistan, Aşqabad, 09 mart / Trend , müxbir H.Həsənov /
Malayziyanın "Petronas" Milli şirkəti Kiyanlı dəniz limanında qaztəmizləmə kompleksinin tikintisini həyata keçirir, layihənin gücü ildə 10 milyard kub metr qaz təşkil edir, - rəsmi türkmən mənbəsindən xəbər verilir.
Müəssisənin 2010-cu ilin yazında istismara verilməsi nəzərdə tutulub, onun vasitəsilə Xəzərin Türkmənistan hissəsində dəniz bloklarının tədqiq edilməsi nəticəsində sənaye həcmində təbii qaz emal olunacaq.
"Petronas" Tükmənistanda 1996-cı ildən fəaliyyət göstərir. Onun əsasında hasilatın müqavilədə nəzərdə tutulan, Maxtumqulu, Ovez və Diyarbəkir dəniz yataqlarını özündə birləşdirən "Birinci blok" ərazisində kəşfiyyat və işlənmə hissələrinə bölünməsi istiqamətində Türkmənistan hökuməti ilə 25 illik müqavilə imzalanıb.
Son illərin tədqiqat işləri göstərir ki, "Birinci blok"da neftdən əlavə eyni istiqamətdə olan sənaye həcmində qaz da toplanmışdır. Neftin sənaye hasilatına şirkət 2006-cı ildə başlayıb, yaxın zamanda stabil təbii yanacaq istehsalının təşkili nəzərdə tutulub. Malayziya şirkəti artıq Aşqabaddan Xəzərsahili boyunca Qazaxıstandan Rusiya istiqamətində Xəzəryanı qaz kəmərinin tikintisində podratçı olmaq təklifini alıb.
"Petronas" Türkmənistan bazarında ən böyük xarici sərmayəçilərdən biridir, onun dəniz layihələrinə kapital qoyuluşu yarım milyard dollar təşkil edir. Türkmənistan geoloqları, Xəzər dənizinin Türkmənistan sektorunun ümumi perspektivli və proqnozlaşdırılan karbohidrogen resurslarının 6 trilyon kub metr təbii qaz və 11 milyard ton neft təşkil etməsindən danışır.
Məqalə müəllifi ilə əlaqə ünvanı: [email protected]