Azərbaycan, Bakı, 12 mart / Trend , müxbir E.İsmayılov /
"Tengizşevroil" birgə müəssisəsi apreldə Türkiyənin Ceyhan limanından "Tengiz" yatağından hasil etdiyi 1,6 mln. barel Qazaxıstan nefti gördərəcək. Bu göstərici martda 600 min barelə bərabər olub.
"Energy Intelligence Group" agentliyi tərəfindən Trend -a təqdim olunan tədarük cədvəlinə əsasən, iki tengiz nefti partiyası Ceyhandan aprelin 7-9-u və 28-30-da göndəriləcək.
Amerikanın "ChevronTexaco" şirkəti 2008-ci ildə BTC ilə Tengiz neftini nəql etməyə başlayıb. Sazişin şərtlərinə əsasən, Tengiz nefti Bakı-Tbiilsi-Ceyhan boru kəməri və dəmiryolu ilə Gürcüstanın Kulevi və Batumi limanlarına nəql olunacaq.
"ChevronTexaco" Qazaxıstanın "Tengiz" yatağının operatorudur. Müqavilə sahəsinin istismarı ilə "Tengizşevroyl" əməliyyat şirkəti məşğul olur.
"BTC Co"nun səhmdarları: BP (30,1 faiz); "AzBTC" (25 faiz); "Chevron" (8,9 faiz); "StatoilHydro" (8,71 faiz); "TRAO" (6,53 faiz); "Eni" (5 faiz); "Total" (5 faiz); "Itochu" (3,40 faiz); "Inpex" (2,5 faiz); "ConocoPhillips" (2,50 faiz) və "Hess" (2,36 faiz).
Gürcüstanın Qara dəniz Kulevi terminalının sahibi Azərbaycan Respublikası Dövlət Neft Şirkəti (ARDNŞ, SOCAR), Batumi limanının sahibi isə "KazMunayqaz"dır.
Məqalə müəllifi ilə əlaqə ünvanı: [email protected]
