Avstriya, Vyana, 04 aprel / Trend , müxbir A.Ələsgərov /
Avstriyada avtomobil yanacağının qiyməti Aİ ölkələrindəki orta qiymətdən aşağıdır. Bu, Avropa Komissiyasının keçirdiyi monitorinq nəticəsində aşkar olunub. Bu barədə Avstriyanın Federal İqtisadiyyat və Əmək Nazirliyindən bildirilib. Trend -ın Vyanadakı müxbiri xəbər verir.
Yanacaq doldurma stansiyalarında yanacağın orta brutto qiymətləri (vergi və digər rüsumlar nəzərə alınaraq) belədir:
- Benzin "Evrosuper" - 0,956 avro/l Avstriyada, Aİ-nin 27 ölkəsində orta qiyməti - 1,073 avro/l;
- Dizel yanacağı - 0,926 avro/l Avstriyada, Aİ-nin 27 ölkəsində orta qiyməti - 0,958 avro/l.
Yanacaq doldurma stansiyalarında yanacağın orta netto qiymətləri (vergi və digər rüsumlar nəzərə alınmadan) belədir:
- Benzin "Evrosuper" - 0,311 avro/l Avstriyada, Aİ-nin 27 ölkəsində orta qiyməti - 0,36 avro/l;
- Dizel yanacağı - 0,358 avro/l Avstriyada, Aİ-nin 27 ölkəsində orta qiyməti - 0,405 avro/l.