Azərbaycan, Bakı, 08 aprel / Trend /
Yanvar-martda "Azərenerji" SC (Azərbaycanda iri elektrik enerjisi istehsalçısı) ötən ilin analoji dövründə qeydə alınan 6,3 milyard klovatt/saata nisbətdə 5,8 milyard kilovatt/saat elektrik enerjisi istehsal edib. Bu barədə SC-nin çərşənbə günü yayılan məlumatında bildirilir.
Birinci rübdə istehsal olunan elektrik enerjisinin ümumi həcmindən 5,3 milyard kilovatt/saat istilik elektrik stansiyaları, 0,5 milyard kilovatt/saat isə su elektrik stansiyalarının payına düşüb.
Martda "Azərenerji"də təqribən 1,9 milyard kilovatt/saat elektrik enerjisi istehsal olunub ki, 1,7 milyard kilovatt/saatı istilik elektrik stansialarının payına düşüb. Yerdə qalan 0,2 milyard kilovatt/saat su elektrik stansiyalarının payına düşüb.