Azərbaycan, Bakı, 09 aprel / Trend /
"İsveçrə şirkəti "Tyco Thermal Controls" SOCAR (Azərbaycan Dövlət Neft Şirkəti) mütəxəssisləri və birgə müəssisələr üçün neft quyuları, borular və çənlərin xüsusi kabellərlə qızdırılma texnologiyaları ilə tanışlıq məqsədi daşıyan təqdimat keçirib", - SOCAR-ın məlumatında deyilir.
Təqdimat bir müddət əvvəl qəbul edilmiş ikitərəfli razılaşma əsasında həyata keçirilib.
"Tyco Thermal Controls" şirkətinin nümayəndəsi deyib ki, təklif olunan sistem neft hasilatı və emalı prosesində problemlər yaradan parafinlərin yığılmasına, qətran, asfalt və hidratlara qarşı rasional nəticələr verəcək.
Bu şirkət tərəfindən "Ələt-Dəniz" (quyu №44) və "Buzovna" yataqlarındakı quyularda elektrik kabellərinin kompyuter proqramının tətbiqi ilə qızdırılma sistemi ilə bağlı tədqiqat aparılıb və iqtisadi əsaslılığı hazırlanıb.