Azərbaycan, Bakı, 01 may / Trend , müxbir E.İsmayılov /
"Proqnozlara əsasən, bu il SOCAR (Azərbaycan Respublikası Dövlət Neft Şirkəti) Bakı-Novorossiysk neft kəməri ilə yataqlardan əldə etdiyi 2,55 milyon ton nefti nəql etmək fikrindədir. Ötən il bu rəqəm 1,3 milyon ton olub", - cümə günü neft-qaz bazarındakı mənbə deyib.
Mənbənin sözlərinə görə, yanvar-apreldə Bakı-Novorossiysk neft kəməri üzrə təxminən 890 min ton neft nəql edilib. Ötən ilin analoji dövründə bu rəqəm təxminən 408 min ton olub.
Bakı-Novorossiysk neft kəməri ilə 2009-cu ildə ötürülən və ötürülməsi gözlənilən neft nəqlinin həcmi cədvəli:
|
Aylar |
Həcm (min ton) |
|
Yanvar (yüklənib) |
168 |
|
Fevral (yüklənib) |
220 |
|
Mart (yüklənib) |
285 |
|
Aprel (yüklənib) |
225 |
|
May (proqnoz) |
225 |
|
İyun (proqnoz) |
171 |
|
İyul (proqnoz) |
248 |
|
Avqust (proqnoz) |
240 |
|
Sentyabr (proqnoz) |
140 |
|
Oktyabr (proqnoz) |
248 |
|
Noyabr (proqnoz) |
240 |
|
Dekabr (proqnoz) |
140 |
Bu gün Bakı-Novorossiysk boru kəməri ilə neft nəqli zamanı Azərbaycan çıxışda (Novorossiysk limanında) Urals markalı neft alır. Buna səbəb Azərbaycan neftinin digər istehsalçıların nefti ilə qarışmasıdır.
Bir müddət əvvəl SOCAR nümayəndələrinin dediyinə görə, neftin Bakı-Novorossiysk boru kəməri ilə nəqlinin artımı üçün əsas şərt rus terminalında neftin keyfiyyət bankının olmasıdır. "Transneft" (Rusiyanın neft nəqliyyatı inhisarçısı) şirkəti ildə ən azı 5 milyon ton neft nəqli şərti ilə keyfiyyət bankının qurulmasına zəmanət verdiyini bəyan edib.
Bu marşrutla nəqlin 5 milyon tona çatdırılması üçün Bakı-Novorossiyskə Azeri Light növlü Azərbaycan yüngül neftinin vurulması planlaşdırılır. Ümumi həcmdən iki milyon ton nefti SOCAR nəql etməyə hazırdır. Qalan həcmin - üç milyon tonun təmini üçün "Azəri-Çıraq-Günəşli" (AÇG) yataqlar blokunda istehsal olunan yüngül neft üzrə Azərbaycan Beynəlxalq Əməliyyat Şirkətinin (ABƏŞ) (operatoru BP-dir) iştirakçıları ilə danışıqlar aparılır. Öz neftini dəmiryolla Batumiyə qədər daşıyan Exxon və Devon-dan başqa bu layihənin bütün iştirakçıları neftlərini Bakı-Tbilisi-Ceyhan (BTC) boru kəməri ilə nəql edirlər. AÇG tərəfdaşlarının nefti həmçinin Bakı-Supsa boru kəməri ilə nəql olunur.
Bakı-Novorossiysk boru kəmərinin operatoru qismində 2007-ci ilə qədər ABƏŞ çıxış edirdi. Sonradan qurum bu səlahiyyətləri SOCAR-a verib. Üstəlik, ARDNŞ nümayəndələri qeyd edir ki, ABƏŞ üzrə tərəfdaşlar ümumiyyətlə bu marşrutla gələcəkdə neft nəql etmək niyyətində deyildi. Ancaq Gürcüstanda ötən ilin avqustunda baş verən hadisələr üzündən ABƏŞ üzrə tərəfdaşlar (BTC layihəsinin iştirakçıları) bu marşrutla nəqli bərpa etməli oldu.
Məqalə müəllifi ilə əlaqə ünvanı: [email protected]
