Azərbaycan, Bakı, 04 may / Trend /
SOCAR şirkəti (Azərbaycan Dövlət Neft Şirkəti) yanvar-apreldə Bakı-Novorossiysk boru kəməri ilə təqribən 834 min ton neft nəql edib. Bu göstərici 2008-ci ilin analoji dövründə 408 min tondan çox olub. Bu barədə SOCAR-ın məlumatında bildirilir.
Apreldə bu neft kəməri ilə təqribən 224 min ton neft tədarük olunub.
SOCAR 2009-cu ildə Bakı-Novorossiysk boru kəməri ilə ixracı 2008-ci ilin təqribən 1,3 mln. tonuna nisbətdə 2,5 mln. tonadək artırmaq niyyətindədir.