...

Bu gün USTDA Azərbaycan Dövlət Neft Fonduna texniki yardım haqqında qərar verəcək

Energetika Materials 2 İyun 2009 15:39 (UTC +04:00)

Azərbaycan, Bakı, 02 iyun / Trend , müxbir İ.Хəlilova /

"Çərşənbə axşamı ABŞ-ın Ticarət və İnkişaf üzrə Agentliyi ilə (USTDA) Azərbaycan Respublikası Dövlət Neft Fondu (ARDNF) arasında fondun institusional inkişafı layihəsinin üçüncü fazasının maliyyələşdirilməsi məsələsi müzakirə ediləcək", - çərşənbə axşamı ARDNF-nin icraçı direktoru Şahmar Mövsümov deyib.

"Biz USTDA-nın layihənin maliyyələşdirilməsindəki payını müzakirə edəcəyik. Qalan hissəni fond öz üzərinə götürəcək, - Mövsümov bildirib. - Danışıqların gedişində həmçinin üçüncü mərhələnin ümumi dəyəri müzakirə ediləcək".

ARDNF layihədə iştirak barədə USTDA-nın razılığını əldə edib. Ancaq bəzi çatışmazlıqlar ABŞ Administrasiyasının dəyişməsi ilə bağlı olub. Əvvəlki danışıqlar zamanı USTDA belə şərtlər irəli sürmüşdü ki, o, layihənin dəyərinin 50 faizinin maliyyələşdirilməsi üçün qrant ayırmağa hazırdır. Bu, Azərbaycanın iqtisadi vəziyyəti və ARDNF-in artan aktivləri ilə izah olunur.

Bununla əlaqədar Amerika agentliyi birgə maliyyələşdirməni təklif edirdi. Xərclərin qalan hissəsi Azərbaycan Hökuməti və Neft Fondunun vəsaitləri hesabına ödəniləcək. Layihənin üçüncü fazasının reallaşdırılması üçün ilkin hesablamalara görə, $700-800 min tələb olunacaq.

Layihənin üçüncü fazasına - bu faza üzrə təkliflər artıq nəzərdən keçirilmək üçün agentliyə təqdim olunub - menecerlərin seçilməsinə və onların idarə edilməsinə yardım, həmçinin fondun əməkdaşlarının treninqi üçün daxili sistemin yaradılması (daimi əsaslarla əməkdaş hazırlayacaq daxili məktəbin yaradılması) daxildir.

Neft Fondunun gələcək institusional inkişafına zərurət neftdən gələn böyük daxilolmalarla əlaqədardır.

Bununla əlaqədar fond iri gəlirlərin alınmasına hazırlıq məqsədi daşıyan iki il əvvəl başlanılmış işini davam etdirir və o, müasir texnologiyaların, PT-nin tətbiq edilməsi, həmçinin fondun kadr potensialı səviyyəsinin artırılması istiqamətində aparılır.

Amerikanın Overture Financial Services şirkəti ötən ildən başa çatmaq üzrə olan texniki yardımın ikinci fazası çərçivəsində mühasibat sisteminin təkmilləşdirilməsi, risklərin və gəlirliliyin qiymətləndirilməsi sisteminin qurulması üçün sxemin seçimində məsləhət göstərilməsi, həmçinin investisiya portfelinin idarə edilməsi ilə bağlı yardım göstərir. USDTA-nın bu işlərin həyata keçirilməsi üçün nəzərdə tutulan qrantı $855, 075 min təşkil edib.

Bundan əlavə, Overture Managed Solutions birinci faza çərçivəsində ARDNF-in məsləhətçisi olub. TDA-nın birinci mərhələ çərçivəsində texniki yardımı $1,091 mln. məbləğində olub.

Məqalə müəllifi ilə əlaqə ünvanı: [email protected]

Xəbər lenti

Xəbər lenti