Azərbaycan, Bakı, 09 iyun / Trend , müx. E.İsmayılov /
"Günəşli" yatağında yeni kompressor stansiyasının tikilməsi və onun sınaqdan keçirilməsi bu ilin sonuna qədər başa çatacaq, çərşənbə axşamı SOCAR-ın (yatağın dayaz hissəsini şirkət özü işləyir) ekologiya idarəsindəki mənbə bildirib. Hazırda platformada kompressor avadanlığının quraşdırılması həyata keçirilir.
"Tikinti işlərinin BMT-nin Şəffaf İnkişaf Mexanizminin icraedici şurasının validatorları tərəfindən başa çatdırılmasından sonra, kompressor stansiyasının sınağı keçiriləcək", - mənbə bildirib.
"Yeni kompressor stansiyasının "Günəşli-4" platformasında quraşdırılması nəticəsində az təzyiqli qazın atmosferə buraxılması 90 faiz azalacaq", - ekologiya üzrə SOCAR-ın vitse prezidenti Muxtar Babayev bildirib.
SOCAR aşağı təzyiqli səmt qazının toplanmasını "Günəşli" yatağının dayaz hissəsində həyata keçirmək niyyətindədir. Bu qaz, təzyiqin yüksəldilməsindən sonra Azərbaycanın qaz emalı zavoduna və ya milli qaz nəqliyyatı sisteminə ötürüləcək və abunəçilərə veriləcək. Bu qazın quruya nəqli üçün artıq boru xətləri çəkilib.
Əvvəllər bu qaz infrastrukturun olmaması səbəbindən atmosferə buraxılırdı və bu ətraf-mühitə böyük zərər vururdu. Zəruri infrastrukturun yaradılması və bu layihənin həyata keçirilməsi 150 milyon dollar dəyərində qiymətləndirilir.
Tullantıların həcmi il ərzində 150-250 milyon kubmetr arasında olacaq.
Məqalə müəllifi ilə əlaqə ünvanı: [email protected]
