Azərbaycan, Bakı, 10 iyun / Trend , müxbir E.İsmayılova /
NATO-nun enerji təhlükəsizliyinə marağı artıb, bu isə formalaşan beynəlxalq vəziyyət, müxtəlif təhlükə faktorları və NATO ölkələrinin enerji mənbələrinə olan marağının artması ilə əlaqədardır. Bu barədə çərşənbə günü Bakıda Azərbaycan XİN və NATO tərəfindən təşkil edilən "Enerji təhlükəsizliyi: çağırışlar və yeni imkanlar" konfransında respublika xarici işlər nazirinin müavini Araz əzimov bildirib.
"Enerji təhlükəsizliyi hər kəsi, eyni zamanda Avropada enerji resurslarının əsas alıcıları olan NATO-ya üzv dövlətləri də maraqlandırır. Onların bəzilər tranzit rolunu oynayır, digərləri isə neft-qaz proseslərində iştirak edir", - deyə Əzimov bildirib.
Onun fikrincə, enerji təhlükəsizliyinin daha əlverişli şəkildə müəyyən edilməsi enerji resursları istehlakçısı olan ölkələri lazımi keyfiyyətdə və müddətdə enerji daşıyıcılarının lazımi həcmi ilə təmin etmək deməkdir.
məqalə müəllifi ilə əlaqə ünvanı: [email protected]
