...

ARDNŞ Azərbaycanın Xəzərdəki perspektivli strukturunda dəniz dibinin tədqiqatını aparıb

Energetika Materials 11 İyun 2009 12:51 (UTC +04:00)

Azərbaycan, Bakı, 11 iyun / Trend /

ARDNŞ-ın kompleks geoloji kəşfiyyat və topoqrafiya idarəsi Xəzərdəki "Ümid" perspektivli strukturunda geofiziki tədqiqat aparıb. Strukturda seysmoakustik profilləmə aparılıb.

Görülən işlər nəticəsində dəniz relyefi, qatların qalınlığı, qalıqların yüklənmə qabiliyyəti, qaz toplusu və palçıq vulkanları öyrənilib.

ARDNŞ artıq yeni "Ümid-1" platformasının eyniadlı perspektivli dəniz strukturunda tikintisini başa çatdırıb. Bu strukturda ilk kəşfiyyat quyusunun qazılması bu aya planlaşdırılıb.

Bu strukturdakı birinci quyunun dərinliyi 6,5 min metr olacaq. Onun dörd min metrinin bu il qazılması gözlənilir. Qazmanın gələn il başa çatdırılacağı gözlənilir.

Tikintisi başa çatdırılmamış "Çıraq-6" platformasının bazasında yerləşən "Ümid-1" platforması ARDNŞ-ın qaz proqramı çərçivəsində ən böyük obyektdir. Onun hündürlüyü 72 metr olacaq. Platforma "Bulla-dəniz" yatağının 15 kilometr yaxınlığında, 58 metr dərinlikdə yerləşəcək. Platformadan altı quyu qazılması planlaşdırılır.

"Ümid"in gözlənilən qaz ehtiyatları 300 milyard kubmetr, qaz kondensatı isə 30-40 milyon tondur.

Xəbər lenti

Xəbər lenti